Најомилена храна за Хрватите е скарата, а ланскиот 22 јуни е забележана рекордна побарувачка

Според последните податоци за потрошувачката на скара во Хрватска, сабота, 22 јуни 2024 година е забележан како ден со најголема побарувачка на вакви производи, објави платформата Глово. Покрај тоа, најпопуларен месец за нарачки за скара лани бил ноември, додека најголем број на нарачки се забележани во петок. Времето на најголема побарувачка за скара е помеѓу 19:00 и 20:00 часот, при што приближно 20% од нарачките доаѓаат за вечера и исто толку за ручек.

Овие податоци потврдуваат дека Хрватите сакаат да уживаат во јадења на скара и за ручек и за вечера. Најголема побарувачка на производи од скара во претходниот период е забележана во шест хрватски градови – Загреб, Осиек, Сплит, Задар, Вараждин и Пула. Хрватска е на трето место во регионот по бројот на нарачки на скара на апликацијата Глово, што ја потврдува популарноста на овој вид храна кај домашните потрошувачи. Најскапата поединечна нарачка на храна на скара била импресивни 576 евра. Меѓу најчесто нарачуваните производи се ќебапите и печените лигњи, што покажува дека Хрватите подеднакво сакаат месо и специјалитети од риба на скара, информира „СЕЕ.биз.еу“.

Share on Facebook

Tweet

Follow us

Save