INFOMAX.MK

Гази Баба важи за општина која има голема концентрација на индустриски објекти на нејзината територија, па токму затоа во предизборната програма на Бобан Стефковски и ВМРО-ДПМНЕ граѓаните на Гази Баба добија ветување за изработка на Акциски план за намалување на загадувањето на воздухот и за воведување на систем на мониторинг на квалитетот на амбиентниот воздух, проект кој требаше да биде реализиран до 2022 година и чини еден милион денари, но Стефковски не го исполни тоа што го вети, иако аерозагадувањето е еден од најгорливите проблеми со кои се соочуваат скопјани и жителите на Гази Баба.

Очигледно за Стефковски и за општинската администрација поважно е да се организираат концерти и да се исполнуваат партиски агенди, отколку да се најде решение за аерозагадувањето.

Жителите на општина Газа Баба заслужуваат да имаат соодветна локална самоуправа која ќе ја унапредува општината и ќе ги решава тековните проблеми.

Стефковски, а и сите негови претходници, кои беа од редовите на ВМРО-ДПМНЕ, триесет години ја уназадуваат општината и не го сработуваат ветеното.

Токму поради вакви случаи, ЛДП ја покрена Иницијативата за отповикување на градоначалници.
Жителите на Гази Баба, како и сите останати жители заслужуваат да имаат градоналаници кои ќе се залагаат за модерни општини, да работат на решавање на проблемите и да им овозможат на граѓаните достојна средина.

За нас, секој е важан, затоа постојано се залагаме граѓаните да ги добијат условите кои ги заслужуваат.

Влатко Неделковски – Либерално демократска партија