Нема мир во Украина: Повторно ечат сирените за воздушен напад во Киев

Во Киев повторно е прогласенa возду[na тревогa, објавија градските власти на Телеграм.

„Во Киев е прогласена тревога за воздух“, соопшти градската управа.
Утрово украинските медиуми објавија дека е прогласена воздушна тревога во јужните и централните региони на земјата. Покрај тоа, во Николаев и областа беа забележани експлозии.

Вечерта повторно е прогласена воздушна тревога и во областа Виница. Според заменикот на Рада, Алексеј Гончаренко, во регионот функционирале системите за противвоздушна одбрана. Исто така, според извештаите на медиумите, во областа се слушнале и експлозии.

И денеска шефот на регионот Дњепропетровск, Валентин Резниченко изјави дека руската војска и нанела нов удар на енергетската инфраструктура на регионот. Според него, имало „силен пожар и уништување“ во „претпријатието за одржување на живот“.

Покрај тоа, два окрузи во регионот Суми останаа без струја по артилериските напади, напиша на Телеграм Дмитриј Живицки, шеф на регионалната администрација.

Во понеделникот и вторникот, руските вооружени сили извршија масовни напади со прецизно наведувано оружје против украинската инфраструктура. Министерството за одбрана забележува дека сите одредени цели се погодени. Како што нагласи Владимир Путин на 10 октомври на состанокот со постојаните членки на Советот за безбедност, ова е одговор на терористичкиот напад на мостот на Крим организиран од Киев и други напади врз цивилни објекти во Русија.

Според украинскиот министер за енергетика Херман Галушченко, околу 30 отсто од енергетската инфраструктура на земјата е погодена во последните два дена. Пријавено е оштетување на електричната опрема поради ракетни напади на ТЕ Ладижинска во регионот Виница. Покрај тоа, една од најголемите рударски компании во Украина, Ферекспо, ја прекина работата поради прекини на струја.

Share on Facebook

Tweet

Follow us

Save