Османи: Украина е само еден дел од руските империјалистички амбиции кои се закануваат и на Западен Балкан
Министерот за надворешни работи Бујар Османи, денеска се обрати од министерскиот состанок на НАТО, посакувајќи и на Шведска добредојде во сојузот. Османи уште еднаш ја истакна решеноста да и се помогне на Украина во руската агресија, кажувајќи дека руските империјалистички амбиции се закануваат и на други земји од Западен Балкан, како и на Молдавија и Грузија.
„Ова е историски министерски состанок на НАТО, не само затоа што НАТО ја слави својата 75-годишнина, туку и затоа што преку поздравување на Шведска, го зајакнуваме нашето единство и одбранбени капацитети како сојуз од 32 члена.
Нашиот фокус е ставен на прашањата што ќе ги обликуваат клучните резултати за претстојниот Самит во Вашингтон овој јули. Клучна агенда е да се изгради на нашата колективна посветеност за споделување на товарот, при што Македонија ќе служи како пример, преку постигнување на целта на Самитот во Велс. Нашата цел не е само да ги задржиме, туку и да ги зголемиме нашите одбранбени инвестиции на 2,15% од БДП до 2025 година.
Нашата решеност да ја поддржиме Украина останува непоколеблива. Нашето единство и решителност се нашите сили во залагањето за значителна помош за Украина, соочувајќи се со предизвиците што ги носи руската агресија. Се разбира, овие предизвици имаат пошироки импликации, при што Украина е само еден дел од руските империјалистички амбиции, кои се закануваат на Молдавија, Грузија и на Западен Балкан. Ова бара синхронизиран напор меѓу НАТО и ЕУ, нагласувајќи ја итноста од забрзана европска и евроатлантска интеграција за одржување на нашата колективна безбедност.“, рече Османи.d
ПОВРЗАНИ ВЕСТИ
МВР повтрди: Лишен е од слобода вработен…
Полициски службеници од Одделот за сузбивање на…
Студентскиот дом „Кузман Јосифовски-Питу“ ќе биде отворен…
Привршуваат активностите за темелна и енергетски ефикасна…
Раководител во Дирекцијата за заштита и спасување…
Полициски службеници од Одделот за сузбивање на…
Јанев за бегството на Ива Михаилова: Работиме…
Директорот на БЈБ, Александар Јанев денеска на…
Благодарница за министерот Ристовски за поддршката и…
Во име на организаторите на Скопскиот маратон,…