Партиите тврдат: Владејачкото мнозинство и Владата се стабилни!

Партиите од владејачкото мнозинство тврдат дека нема проблеми во коалицијата и дека парламентарното мнозинство е стабилно.

Оттаму велат дека Владата е посветена на менаџирање на кризата и преговорите со ЕУ.

Министерот за надворешни работи Бујар Османи, ги нарече лажна вест информациите за негова смена откако 20 сопартици му испратија писмо на лидерот Али Ахмети искажувајќи незадоволство и барање да се промени, како што велат тие, дилетантскиот однос на Артан Груби.

Османи кажа дека во партијата има големо ниво на демократија и секој може да го каже својот став, но дека последниот збор го има лидерот.

– Со вчерашната изјава на Ахмети, мислам дека тука е завршена таа приказна, изјави Османи, одговарајќи на новинарско прашање на вчерашниот брифинг во МНР.

Дека владиното мнозинство е стабило го повтори и потпретседателот на СДСМ Перо Костадинов.

-Владиното мнозинство е стабилно и коалицијата нема никакви проблеми, истакна Костадинов.

Костадинов вели дека засега има информации дека од владиниот тим ќе се менува само Горан Милевски од Министерството за локална самоуправа кој даде оставка и нема најави за дополнителни промени.

Share on Facebook

Tweet

Follow us

Save