Повторно приведена поранешната мисица од Крива Паланка, спречувала заплена на крупен добиток

Повторно е уапсена поранешната мисица Јулија Ѓорѓиевска, откако, според полицијата, се обидела да ја попречи акцијата за заплена на добиток спроведена од надлежните служби.

„На  20.05.2026 во 13:25 часот, полициски службеници од ОВР Крива Паланка ја лишија од слобода Ј.Ѓ.(28) од Крива Паланка, постапувајќи по претходна пријава дека кај место викано „Калин камен“ спречувала вработени во Агенција за храна и ветеринарство при заловување на крупен добиток. Ј.Ѓ. била приведена во полициска станица и по целосно документирање на случајот против неа ќе следува соодветна пријава“, велат од МВР.

Ова не е првпат нејзиното име да се поврзува со слични инциденти, каде што таа и нејзини поблиски членови на семејството беа приведувани поради добитокот кој слободно шета во Крива Паланка и околината.

Share on Facebook

Tweet

Follow us

Save