Повторно раст на цената на нафтата на светските берзи
Цените на нафтата на берзите денеска се искачија на речиси 95 долари за барел, во услови кога остриот пад на залихите во САД и очекувањата за намалени испораки од Русија до крајот на годината ги потисна во втор план стравувањата од рецесија.
На лондонскиот пазар цената на барелот денеска изнесуваше 94,98 долари, додека на американскиот пазар барелот се тргуваше по цена од 89,10 долари.
Расположението за тргување на берзите вчера беше придушено поради стравувањата од глобална рецесија во оглед слабите податоци за активностите во секторот на недвижнини во САД и забавувањето на економската активност во Кина последица на строгата политика на нулта толеранција за ковид-19. Сепак, трговците се охрабрија од извештајот за пад на нафтените залихи на САД за 7,1 милиони барели, како и за рекордниот извоз на нафта од пет милиони барели дневно.
Поддршка на денешната повисока цена на нафтата дадоа и предупредувања дека европската забрана за увоз на руска нафта и деривати би можела драматично да ја намали понудата.
ПОВРЗАНИ ВЕСТИ
Нафтата падна на најниско ниво од август…
Светските цени на нафтата продолжуваат да паѓаат,…
Нафтата поевтини откако Трамп изјави дека се…
Цените на нафтата се намалија денеска откако…
Нафтата над 117 долари, ОПЕК+ не попушта:…
Седум земји од ОПЕК+ одлучија денеска во…
Серафимовски: Очекуваме просечната откупна цена на тутунот…
Просечната откупна цена на тутунот од годинешната…
Цената на нафтата падна под 108 долари…
Цената на Брент се спушти под 108…