Полицијата приведе девет возачи за безобѕирно возење

Во текот на изминатото деноноќие на целата територија на државата, полициските службеници лишија од слобода девет возачи и извршија службен разговор со еден родител за безобѕирно управување возило. Од нив седум управувале возило без возачка дозвола, двајца з ауправување возило под дејство на алкохол и еден затоа што управувал возило и покрај тоа што имал активна забрана за управување возило од Б категорија.

Четири лица во Скопје возеле без возачка дозвола и по еден во Гостивар, Кавадарци и Велес (малолетник). Двајца возачи во Струмица возеле под дејство на алкохол, а еден во Ресен за управување возило со активна забрана. По целосно документирање на случаите ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Share on Facebook

Tweet

Follow us

Save