INFOMAX.MK

Полската армија по 10 дена денеска ја заврши потрагата по руски дрон кој, како што беше соопштено на 26 август, прелета 25 километри во полскиот воздушен простор од Украина, а потоа исчезна од радарот бидејќи, според признанието на генералот Мачеј Клиш, Дронот најверојатно не бил ни таму, пренесува „N1“.

Оперативната команда на ограноците на вооружените сили на Полска претходно соопшти дека ја завршува потрагата при која војниците десет дена го пребаруваа теренот на границата во потрага по авион без екипаж.

„По сите пропишани процедури и врз основа на анализите, сега тврдам дека постои многу голема веројатност полскиот воздушен простор да не бил нарушен на 26 август. Податоците не се променети, мојата проценка за ситуацијата е променета“, изјави денеска на новинарите шефот на оперативната команда, генерал Мачеј Клиш.

Генералот Клиш ја информираше јавноста на 26 август дека во зори тој ден, неидентификуван авион, најверојатно дрон од типот Шахид што го користи руската армија, го нарушил полскиот воздушен простор за време на силен руски ракетен истрел врз Киев и западните региони на Украина таа ноќ.

„Објектот исчезна откако помина 25 километри на територијата на Полска. Го следеле три радарски станици. Со оглед на атмосферските услови, не можеше веродостојно да се идентификува и не можев да дадам наредба за негово соборување“, изјави тогаш генералот Клиш.

Денеска тој призна дека и по 10 дена армијата не знае што всушност се случило и дека една по една исклучува различни верзии.

На новинарско прашање кои се трошоците за потрага по фантомски дрон што го немало во кое 300 војници со денови барале 250; квадратни километри терен, Клиш одговори дека тој како оперативен командант не мора да ги зема предвид трошоците и дека безбедноста на Полјаците е бесценета.