Полските власти будно ја следат ситуацијата во Русија: Итни состаноци на државниот врв

Полскиот претседател Анджеј Дуда на Твитер објави дека свикал состанок за настаните во Русија.

„Во врска со ситуацијата во Русија, утрово одржавме консултации со премиерот и Министерството за национална одбрана, како и со сојузниците. Постојано го следиме текот на настаните, нашата источна граница постојано се следи“, напиша Дуда.

Портпаролот на полската влада, Пјотр Мулер, рече дека сите полски специјални служби исто така следат што се случува во Русија.

„Полските разузнавачки служби, заедно со сојузниците, постојано ја следат ситуацијата во Русија. За ова прашање, премиерот Матеуш Моравјецки денеска разговараше со претседателот Анджеј Дуда. Беа одржани и владини консултации со учество на вицепремиерот Јарослав Качински и министрите за националната одбрана и внатрешните работи“, напиша Мулер на Твитер.

Share on Facebook

Tweet

Follow us

Save