Поранешниот шеф на ЦИА: САД ја изгуби моќта да ја контролира Русија
САД се ослабени од конфликтот во Украина и ја изгубија моќта да ја контролираат Русија, изјави поранешниот американски државен секретар и поранешен шеф на ЦИА, Мајк Помпео.
Помпео, кој беше државен секретар на САД за време на претседателствувањето на Доналд Трамп, престојуваше во Атина на првиот Американско-медитерански инвестициски форум.
-Америка е ослабена со инвазијата врз Украина – ја изгубивме нашата моќ на одвраќање против Путин и Украинците, поради што на Европејците и на секој до нас ни е многу полошо, рече Помпео.
Според негова проценка, „светот стана многу помалку безбедно место откако Џо Бајден ја презеде функцијата претседател на САД“.
-Тоа се однесува на Американците и на граѓаните на сите наши сојузници. Тринаесет Американци загинаа во Авганистан, што е еден од најголемите неуспеси во заштитата на нашите граѓани во поновата историја, додаде поранешниот државен секретар.
Помпео кажа и дека иранските власти сега се многу побогати и помоќни отколку кога тој ја напушти функцијата.
-Нашите пријатели и партнери на Блискиот Исток, Израел и земјите од Заливот се чувствуваат напуштено. А кинеската Комунистичка партија станува похрабра и се подготвува за војна – економска и воена – на начини кои се без преседан, кажа Помпео.
ПОВРЗАНИ ВЕСТИ
Си-Ен-Ен: Американското разузнавање верува дека Иран подготвува…
Нови разузнавачки информации на САД укажуваат дека…
Бугарија спаси две руски банки од санкциите…
Бугарија побара од Европската Унија да ги…
Русија тврди дека погодила товарен брод со…
Руското Министерство за одбрана соопшти дека неговите…
САД разгледуваат намалување на военото присуство во…
Намалувањето на американското воено присуство во Европа…
Русија го повтори барањето НАТО да се…
Русија повторно бара НАТО да ги повлече…