Претседателот на Колумбија: Зеленски дозволи да го изманипулираат западноевропејците

Колумбискиот претседател го критикуваше планот на Украина да го потпише договорот за минералите со Соединетите држави, нарекувајќи го тоа глупост на украинскиот претседател Володимир Зеленски, јавува „Анадолија“.

„Глупоста на Зеленски, јасно го кажувам ова, е тоа што дозволи да биде изманипулиран од западноевропејците, кои не знаат каде одат, кон Хитлер или кон ништо. Тие се борат со своите браќа, словени, и на крајот ја даваат Украина на Американците. Глупост“, напиша Густаво Петро на мрежата „Икс“ со веста за потенцијален договор меѓу Киев и Вашингтон.

На 3 февруари, американскиот претседател Доналд Трамп потврди дека е заинтересиран за минерали од ретки земји од Украина. Тој додаде дека војната во Украина мора да заврши и дека САД мора да добијат нешто за возврат доколку продолжат да му помагаат на Киев.

Вчера тој рече дека слушнал дека Зеленски ќе дојде во петок. Тој посочи дека е отворен за состаноци додека траат преговорите. „Слушнав дека доаѓа во петок. Секако, добро е ако сака да потпише. Разбирам дека тоа е голема, многу голема работа“, им рече Трамп на новинарите во Овалната соба.

Share on Facebook

Tweet

Follow us

Save