Пристигна првата пратка од најавените 250.000 Фајзер вакцини од Италија

Министерот за здравство, Беким Сали доцна попладнево информираше дека во земјава пристигнал првиот дел од најавените 250 илјади вакцини Фајзер, кои се директна донација од италијанската влада.

Оваа донација е преку механизмот Ковакс и во соработка со УНИЦЕФ. Вакцините се сигурни и безбедни. Транспортот е со ладен ланец до петте точки, каде што ќе бидат сместени и ќе ни бидат потребни. Ова е прв дел од донацијата, рече Сали.

Тој упати благодарност до медиумите што го поддржуваат министерството и властите за имунизација на населението.

Единствен начин за заштита од пандемијата е вакцинацијата. Вториот дел од пратката вакцини ќе пристигне во среда, појасни Сали.

Share on Facebook

Tweet

Follow us

Save