Развојот на вештачката интелигенција им се заканува на 8,4 милиони работници во Италија

Развојот на вештачката интелигенција им се заканува на 8,4 милиони работници во Италија, се наведува во студијата објавена од Конфедерацијата на италијанските занаетчии (Confarartigianato).

Студијата наведува дека 36,2 отсто од работната сила во Италија „ќе ги претрпи последиците од технолошката трансформација и автоматизација“, пренесува АНСА.

Претседателот на Конфедерацијата на италијанските занаетчии, Марко Гранели, сепак смета дека напредокот во развојот на вештачката интелигенција не треба да предизвикува страв.

„Не треба да се плашиме од вештачката интелигенција, туку да управуваме со неа како вешт мајстор“, тврди Гранели.

Слично истражување во Германија, Франција и Луксембург покажа дека дури 60 отсто од работниците се загрозени од напредокот на вештачката интелигенција.

Confartigianato го анализирале „степенот на изложеност на вештачка интелигенција на нашиот пазар на труд“. Според тоа најекспониран регион е Ломбардија, потоа Лацио.

Најекспонираните професии „се најквалификувани и со интелектуална и административна содржина, почнувајќи од информатички и комуникациски техничари, административни и комерцијални менаџери, специјалисти за комерцијални и административни науки, специјалисти за наука и инженерство, менаџери за јавна администрација“, додека „меѓу работните активности со помал ризик се оние со нестандардизирана рачна компонента“.

Според истражувањето Confartigianato, „проширувањето на вештачката интелигенција поткопува 25,4% од работниците кои влегуваат во компании во 2022 година, што е еднакво на 1,3 милиони луѓе.

Share on Facebook

Tweet

Follow us

Save