Рускиот суд ја отфрли тужбата на мајката на Навални дека тој не добил медицинска нега

Судот во Русија денеска ја отфрли тужбата поднесена од мајката на починатиот опозиционер Алексеј Навални, Људмила. Во тужбата се тврдеше дека Навални во затворот не добил соодветна медицинска нега.

Директорот на Фондацијата за борба против корупцијата, Иван Жданов изјави дека судот во градот Лабитнанги, во близина на арктичкиот затвор каде што во февруари почина Навални, ја отфрлил тужбата. Во образложението се наведува дека саот Навални може да биде тужител.

– Алексеј поднесе голем број тужби против управата на затворот за необезбедување медицинска нега. Тие тврдења беа отфрлени. Сега кога тој е убиен, тврдењето на неговото семејство се отфрла со потсмев, напиша Жданов на Телеграм.

Навални, кој беше најпознатиот противник на претседателот Владимир Путин, отслужуваше 19-годишна затворска казна во моментот на неговата смрт. Тој во затвор беше од јануари 2021 година, откако се врати во Русија од Германија, каде што се заздравуваше од труење со нервен агенс, за што го обвини Кремљ.

Share on Facebook

Tweet

Follow us

Save