Објавено на:

Руски напади врз Киев и Лавов, проектил го наруши полскиот воздушен простор

t

Русија истрела проектили и беспилотни летала кон Украина во неделата (24.3 )вклучително и кон главниот град Киев и западно-украинскиот регион Лавов, соопштија официјални лица, а полската војска извести дека една од руските крстосувачки ракети накратко го нарушила нејзиниот воздушен простор.

Украинското воено воздухопловство уништи 18 од 29 проектили лансирани од Русија и 25 од 28 нападни беспилотни летала, објавија украинските воздухопловни сили на Телеграм, пренесува Ројтерс.

„Неколку експлозии го потресоа Киев во неделата рано наутро, а украинските сили за воздушна одбрана уништија десетина ракети лансирани од Русија над главниот град и неговата околина“, објави на Телеграм Серхи Попко, шеф на воената администрација во Киев.

Спасувачките работници помагаат да се евакуираат луѓе од станбена зграда оштетена за време на руски ракетен напад врз Киев на 21 март.]

Русија со денови ја напаѓа Украина. Москва ги претставува своите напади како одмазда за украинските напади за време на неодамнешните претседателски избори.

„Од третото утро пред зори оваа недела, цела Украина е под воздушна тревога и се советува да побара заштита“, напиша американската амбасадорка Бриџит Бринк на мрежата Икс, поранешен Твитер.

Руското Министерство за одбрана не одговори веднаш на барањето за коментар.

Еден од руските крстосувачки ракети лансиран во областа Лавов во западна Украина го нарушил полскиот воздушен простор, соопшти полската војска.

„Објектот навлезе на полска територија во близина на градот Осердов и остана таму 39 секунди. Беше следен од воените радарски системи низ неговата траекторија“, објавија полските вооружени сили на мрежата Икс.

Градоначалникот на Лавов, Андриј Садовји, на Телеграм објави дека немало напад врз градот, но околу 20 проектили и седум беспилотни летала биле лансирани во поширокиот регион Лавов, насочени кон „критичната инфраструктура“.

ПОВРЗАНИ ВЕСТИ

Ален Рустемовски по Европското првенство: Најдоброто допрва…

Боксерот Ален Рустемовски се огласи на социјалните…

Америка објави „докази“ за постоењето на митското…

Администрацијата на американскиот претседател Доналд Трамп објави доверливи…

(Видео) Илјадници граѓани во Загреб му оддадоа…

Илјадници граѓани вечерва се собраа во Загреб…

Над 27.000 домаќинства иселени присилно во Германија…

Во Германија минатата година биле спроведени 27.446…

Тешка сообраќајна несреќа во БиХ: Се судриле…

Едно лице загинало во тешка сообраќајна несреќа…