Сите полициски службеници кои се погрижија за достојно чествување на Гоце Делечев ќе бидат наградени со 10% додаток на плата

Министерот за внатрешни работи, Оливер Спасовски, соопшти дека припадниците на МВР кои придонесоа за мирно и достоинствено чествување на 151-годишнината од раѓањето на македонскиот револуционер Гоце Делчев, ќе бидат наградени со 10% додаток на нивните плати.

– Почитувани граѓани,

Почитувани колеги,

Како министер за внатрешни работи го искористив правото што ми го дава Колективниот договор на МВР ( чл.160, 161 и 162) и на денешната седница и’ предложив на Владата, која го усвои Заклучокот за исплата на додаток за работна успешност од 10% на припадниците на македонската полиција кои беа ангажирани на терен на 4 февруари.

Согласно заклучокот, сите полициски службеници кои во саботата се погрижија за достојно чествување на 151 година од раѓањето на великанот Гоце Делчев, ќе бидат наградени со исклучителна компонента – додаток за работна успешност во висина од 10% од основната компонента на платата на работникот, за што средствата се обезбедени во Буџетот на МВР. – вели Спасовски.

ЛИНК од објавата

Share on Facebook

Tweet

Follow us

Save