Струшката педијатрија преполна – Се лекуваат деца од целиот регион

Новиот сој омикрон не ги одминува и децата. Иако со полесна клиничка слика струшкото педијатриско одделение е преполно со пациенти. Во едно деноноќие се прават и по стотина прегледи.

Деца со корона, настинка, сезонски грип од Охрид но и Ресен и Дебар се лекуваат во струшката болница. Едномесечно бебе е најмладиот пациент позитивен на новиот корона сој. За среќа со лесна клиничка слика.

Во споредба со овој период лани поради рестриктивните мерки имало многу помал број на заболени деца, со тоа помал број прегледи и хоспитализации. Работата сега двојно се зголемила и поради затворањето на охридската педијатрија па децата од цел регион ги прегледуваат струшките педијатри.

Ситуацијата со недосигот на педијатри во Охрид и понатаму е алармантна.екс министерот Филипче најави лекари педијатри од Скопје во охридската болница но тоа се уште не е изреализирано. – Пренесува 24 вести.

Share on Facebook

Tweet

Follow us

Save