Трагедија: Босанец ја загуби бремената сопруга, снемало струја, ѕидовите почнале да паѓаат…

И натаму медиумите објавуваат потресни приказни за настраданите во поплавата која деновиве ја зафати Босна и Херцеговина(БиХ). 

Дино Бегиќ ја загуби бремената сопруга.  За босански „Аваз“ раскажа што се случило таа ноќ.

„Татко ми и јас излеговме околу полноќ да го исчистиме просторот за да не ни се поплави куќата, бидејќи нормално се создаваат потоци при силен дожд. Се боревме со поројот час или два, а потоа влеговме во куќата“, раскажува Бегиќ.

Вели дека влегле внатре затоа што дождот малку се смирил, но повторно излегле да продолжат да чистат.

„Во одреден момент слушнав удари од големи камења или што и да беше. Му реков на татко ми да се засолни под големата гаража, жената и ќерката нека останат во куќата мислејќи дека таму ништо нема да им се случи“, вели Бегиќ.

Снемало струја, ѕидовите паѓале, било страшно. 

„Не знам, добро, не ги ни видов кога истрчаа, сепак таа го зеде детето и се обиде да побегне. Дрвото падна врз неа и ја згмечи. Ќерка ми беше спасена, а само Господ знае како“, рече Бегиќ.

Инаку, 28-годишната Ајла била бремена, а во декември требало да добијат уште една ќерка. Нивната 5-годишна ќерка Далал се спаси. 

Девојчето видело како мајката настрадала.  Бегиќ престојуваат кај неговата тетка, која ги чува бидејќи од нивната куќа не останало ништо, како што вели, сè е срамнето.

Во Босна, поплави имаше во неколку општини.  Уште трагаат по исчезнати, а загинаа над 20 луѓе. Поплави пред некој ден имаше во Албанија, Црна Гора и делови од Хрватска. Утре во БиХ е Ден на жалост. 

Share on Facebook

Tweet

Follow us

Save