INFOMAX.MK

Две деца, на возраст од 4 и 6 години, трагично загинаа по уривањето на зграда во Неапол, што најверојатно е предизвикано од експлозија на гас во еден од становите. Под урнатините останале уште шест лица, а на местото на несреќата се наоѓаат повеќе од 60 спасувачи.

Уривањето се случило нешто по 8 часот утрово, а експлозијата се претпоставува дека била резултат на проблем со плинска боца во станот на вториот кат, каде живеела бабата на децата. Во моментот на трагедијата, во зградата имало повеќе лица, вклучувајќи семејство со три деца.

A Saviano, in provincia di Napoli, il crollo di una palazzina dopo un'esplosione provocata da una fuga di gas ha coinvolto sei persone, tra cui alcuni bambini. Uno è stato estratto vivo dalle macerie insieme al padre, due hanno perso la vita. Ancora disperse due donne pic.twitter.com/CHBqMpyNAQ
— Tg3 (@Tg3web) September 22, 2024

Полицијата и пожарникарите брзо реагирале и започнале со расчистување на урнатините во потрага по преживеани. По околу еден час од експлозијата, биле извлечени таткото и двегодишно дете во тешка состојба и пренесени во болница. Подоцна, спасувачите го пронашле телото на четиригодишното девојче, а потоа и телото на нејзиниот двегодишен брат. Се уште се трага по мајката и бабата, кои живееле на вториот кат.