Трамп лансираше нова платформа за криптовалути

Поранешниот американски претседател и републикански кандидат на претстојните претседателски избори во ноември, Доналд Трамп, лансираше нова платформа за криптовалути „World Liberty Financial“ и ја покани јавноста да инвестира во светот на дигиталните валути.

Според структурата на капиталот, 20 отсто од токените на проектот ќе бидат доделени на основачкиот тим, кој го вклучува семејството Трамп, 17 отсто од токените се издвоени за награди на корисниците, а останатите 63 отсто ќе бидат достапни за купување од страна на јавноста, изјави основачот на платформата Зак Фолкман, пренесува Си- NBC.

Воспоставен е и нов токен WLFI и ќе се базира на блокчејнот на итриум.
Трамп изјави дека претходно не бил многу заинтересиран за криптовалутите, но дека неговите деца го убедиле да се премисли.
„Крипто е една од оние работи што треба да ги направиме“. Сакале или не, мораме да го направиме тоа“, рече Трамп.

Share on Facebook

Tweet

Follow us

Save