Унгарско МВР: Околу 13.500 бегалци вчера пристигнаа во Унгарија од Украина

Околу 13.500 бегалци вчера пристигнаа во Унгарија од Украина, соопшти унгарската полиција.

На украинско-унгарската граница вчера биле регистрирани 6.453 Украинци кои влегле во Унгарија, додека 7.088 лица на романско-унгарската граница изјавиле дека пристигнуваат од Украина, што е најголем број дневни влезови на двата гранични премини во претходните седум дена.

Од бегалците само 36 лица побарале привремена дозвола за престој во Унгарија, која важи 30 дена.

После тоа, бегалците од Украина мора да ги посетат канцелариите на Националната дирекција за странци доколку сакаат да обезбедат дозвола за подолг престој во Унгарија.

Најголем дел од бегалците од Украина кои пристигнуваат во Унгарија го продолжуваат патувањето во другите западноевропски земји.

Share on Facebook

Tweet

Follow us

Save