Уште тројца повредени во кочанската трагедија пренесени во УКЦ Ниш

Уште тројца пациенти повредени во пожарот во Кочани се пренесени на Универзитетскиот клинички центар во Ниш. Двајца мажи и една жена се префрлени од Универзитетскиот клинички центар Србија во УКЦ Ниш и лекувањето ќе го продолжат на Одделот за пластична и реконструктивна хирургија.

„Шест повредени во овој трагичен настан во моментов се хоспитализирани во Клиничкиот центар Ниш. Четворица мажи и една жена се на одделението на Клиниката за пластична и реконструктивна хирургија, додека еден пациент се уште е на одделението за интензивна нега на Клиниката за анестезија и интензивна терапија“, соопштиле од Клиничкиот центар во Ниш.

Сите оперативни мерки и напори на медицинскиот персонал се насочени кон опоравување на повредените.

Вкупно 9 пациенти од македонските болници ќе заминат дома, а 8 пациенти ќе се вратат од странство – се враќаат по двајца пациенти од Австрија, Белгија, Турција и Хрватска. 101 останува во странство.

Пациентите кои пристигнаа од Шпанија се прегледани на Токсикологија.

Share on Facebook

Tweet

Follow us

Save