(Фото) Британија ги виде белите лавчиња од скопската зоолошка

Британскиот весник „Дејли стар“ објави фотографии од белите лавчиња во скопската Зоолошка градина, укажувајќи на реткоста на овој вид.

Трите лавчиња се родија во скопската зоолошка на 7 март минатата година, што е прв ваков случај по повеќе од 20 години.

Мајката Бела во Скопје пристигна од Германија додека таткото Чака потекнува од Франција. Вработените кажаа дека ова е една од најубавите работи која се случила во скопската Зоолошка градина и постојано внимаваат мајката и малите да се безбедни и да ги имаат сите услови во нивното живеалиште.

Скопската Зоолошка градина доби над 3.000 предлози за имиња на трите женски лавчиња во кутиите оставени пред влезот на зоолошката градина, но и на Фејсбук, по што ги избра имињата Луна, Ана и Хана.

Share on Facebook

Tweet

Follow us

Save