(Фото) Ристовски до Бугарите: Добредојдовте, сега е наш ред европски да ве пречекаме!

Капитенот на фудблската репрезентација на Македонија, Стефан Ристовски, поради повреда испадна од списокот на Благоја Милевски за последните два натпревари од Лигата на нации.

Искусниот десен бек не играше во Грузија, а нема да настапи ниту на вечерашното затворање на групната фаза против селекцијата на Бугарија. Во пресрет на дуелот на „Тодор Проески“ Ристовски на социјалните мрежи испрати порака до своите колеги од источниот сосед.

„Добредојдовте во Македонија…Сега е наш ред ЕВРОПСКИ ДА ВЕ ПРЕЧЕКАМЕ“, напиша Ристовски.

Дуелот меѓу Македонија и Бугарија ќе биде директна пресметка во битката за втората позиција на табелата, која што носи подобра позиција во ждрепката за квалификациите за Европско првенство.

Извор: gol.mk

Share on Facebook

Tweet

Follow us

Save