“Цицеро”: Западен Балкан, буре барут во вечната чекална на ЕУ – државите ѝ плаќаат на Унијата повеќе отколку што добиваат

„Буре барут во вечната чекална на Европа“, е насловот на текстот во магазинот „Цицеро“ за војната во Украина и за состојбата на Западен Балкан. Авторот не мисли дека е можна нова војна на Балканот, но покажува недостаток на европска и каква било перспектива, пренесува Дојче Веле.

Томас Розер својата статија за германското списание „Цицеро“ ја започнува со сцена од Белград: постери со слика на Владимир Путин, графити и протести за поддршка на Русија во Белград. Самата војна, забележува германскиот автор, дојде во регионот на бизарен начин: кога беспилотно летало тешко шест тони, лансирано некаде во Украина, се урна во Загреб на почетокот на март, на само неколку стотини метри од станбена зона.

Земјите од поранешна Југославија во никој случај не се прв избор на бегалците од Украина, но таму има многу Руси и Украинци. Од друга страна, како што анализира, агентите за недвижности во Србија бележат невиден прилив на клиенти од исток.

Германскиот новинар потсетува дека во Србија е жив споменот на НАТО бомбардирањето во војната на Косово.

Сцените од Харков или Мариупол ги потсетуваат луѓето во БиХ на сопствените искуства, пишува магазинот. „Залудни беа сите наши протести за мир“, вели еден постар сараевчанец. Војната дојде. И ние бевме без храна, вода, нешто повеќе од 1.400 дена“. Тој додава: „На Украина и се заканува истата судбина како нас“.

Психологот и политички аналитичар Срѓан Пухало изјавил дека многумина во БиХ се потсетуваат на она што го доживеале пред три децении, но и дека владата е поделена: „Повеќето Срби се на страната на Русите. Хрватите и Бошњаците се повеќе на страната на Украинците“, истакнал Пухало.

Германскиот магазин предупредува дека цела Југоисточна Европа ги чувствува економските последици од војната, без разлика дали тоа се должи на помалку туристи, повисоки цени на енергијата или инфлација. Но, најтешко се погодени земјите од регионот кои најмногу се трудат да се приклучат на Европската Унија: „Јазот во просперитетот помеѓу исцрпената чекална на ЕУ и нејзините соседи од ЕУ се заканува да стане уште поголем во оваа војна. Албанија и петте држави од поранешна Југославија станаа осакатени редовни гости во чекалната на ЕУ, измачени од авторитарни тенденции, емиграција и стареење на населението, но пред се недостаток на перспектива“, пишува медиумот.

„Наместо перспектива, политиката за проширување на ЕУ стана енергично прислушување, украсено со флоскули, слатки зборови, ветувања кои се повторуваат како мантри и мавтање со паричник“, пишува автоерот. Тој го цитира Душан Рељиќ од бриселската канцеларија на Берлинската фондација за наука и политика, кој вели дека чекањето за членство стана константна состојба на работите, додека тие земји се претворија во евтини производствени погони и снабдувачи на работна сила за ЕУ и Германија.

Ако се се собере, Релиќ смета дека „земјите од Западен Балкан плаќаат повеќе отколку што добиваат од ЕУ“, пренесува медиумот.

Share on Facebook

Tweet

Follow us

Save