INFOMAX.MK

Министерот без ресор Шабан Салиу кој е осомничен како поранешен директор на Дирекцијата за заштита и спасување за трагедијата во Кочани откако беше пуштен од притвор излезе на политичка прес – конференција и кажа дека не се чувствува виновен за трагедијата во Кочани за која е осомничен и наскоро ќе има обвинение.

– Апсолутно во тој поглед не чувствувам одговорност, верувам во нашата држава верувам во институциите на системот верувам во правосудните органи дека ќе си ги согледаат аргументите и сите останати посебни моменти од тој случај. Јас сум правник по вокација, јас сум доктор по политички правни науки, 18 години сум бил адвокат сум работел по судовите оставам на совеста на државата да оцени дали имам вина или немам вина. лично со душа и со срце тврдам дека немам апсолутна вина во тој поглед. Истрагата си е секогаш потребна во одредени случаеви јас почитувам максимално, се водам од општата правна иницијатива од општата пресумпција на невиност дека се додека не се докаже дека некој е виновен, додека некој не се осуди значи е невин – рече Салиу.

Штипска апелација пред две недели му го укина притворот по негова жалба и му одреди мерки за претпазливост.