Шојгу: Руската војска ја исполни главната цел од 2023 година

Спречувањето на контраофанзивата на Украина беше главната цел на руската војска оваа година и таа беше успешно исполнета, изјави рускиот министер за одбрана Сергеј Шојгу.

Руските сили постојано се движат кон постигнување на целите на воената операција во Украина, рече Шојгу за време на телеконференција со највисоките команданти во вторникот.

„Главната“ цел во 2023 година беше „да се осуети многу нагласената контраофанзива на украинските вооружени сили, објавена од Украина и нејзините сојузници во НАТО. Оваа задача беше успешно исполнета“, рече тој.

Според министерот, клучните фактори кои ѝ овозможиле на руската војска да ги одбие украинските обиди за напредување биле „создавањето ефикасен систем на одбранбени линии, високата борбена способност на сите единици, доверливоста и ефективноста на руската воена опрема“.

„И пред сè, вештите и решителни постапки на бранителите на татковината, кои несебично дејствуваат за да ја обезбедат безбедноста на нашата земја и нејзините граѓани“, додаде тој.

Зборувајќи за поновите настани на теренот, Шојгу рече дека руската војска „постојано зазема поповолни позиции и ги шири териториите под своја контрола во сите правци на фронтот“.

Украинскиот претседател Володимир Зеленски кон крајот на ноември призна дека контраофанзивата, која започна на почетокот на јуни и имаше за цел да го пресече копнениот мост на Русија кон Крим, заврши без успех.

Според руските проценки, Украина изгубила над 125.000 војници и 16.000 парчиња тешка опрема во нејзините неуспешни обиди за напредување.

Претседателот на Русија, Владимир Путин и министерот за одбрана Шојгу изјавија дека руските сили повторно ја презеле иницијативата во конфликтот. Во понеделникот, Министерството за одбрана го потврди целосното заземање на Маринка, клучното упориште на Украина, предградие на Доњецк.

Share on Facebook

Tweet

Follow us

Save