Јанев: Оперативен штаб ја следи состојбата со дојавите за бомби

Сите пријави за наводно подметнати експлозивни направи во повеќе основни и средни училишта низ целата земја, се лажни. Во случајов, апелираме за смиреност во јавноста и воздржување од ширење дезинформации во врска со настаните, кои од вчера се евидентирани и во други земји од регионот, објави Александар Јанев, директор на Бирото за јавна безбедност.

„Од утринава ги презедовме сите неопходни мерки согласно со процедурите за постапување при терористичко загрозување.

Преку формиран оперативен штаб во рамки на Министерството, вршиме проценка на степенот на загрозување во координација со безбедносно-разузнавачките служби.

Продолжуваме со активностите насочени кон заштита на безбедноста на граѓаните и училиштата. Вашата безбедност е наш приоритет“, објави Јанев.

Share on Facebook

Tweet

Follow us

Save