Џабе целата врева: МААЕ не може да одреди кој ја гранатирал нуклеарната централа “Запорожје”

Директорот на Меѓународната агенција за нуклеарна енергија (МААЕ), Рафаел Гроси, изјави дека не може да утврди кој ја гранатирал нуклеарната централа Запорожје.

„Не можам да го одредам тоа. Немаме средства да го направиме тоа. Како што знаете, треба да се надгледува воената операција во регионот…која не само што е надвор од мандатот на МААЕ, туку ќе бара огромен потенцијал“, изјави Гроси за „Си-ен-ен“.

Тој оцени дека состојбата во комбинатот се уште е многу загрижувачка и предупреди дека „си играме со оган“.

Потоа Гроси на седницата на Советот за безбедност на ОН изјави дека нуклеарната централа Запорожје била оштетена во нападите, пренесува Спутник.

Посочи дека една од безбедносните основи на секоја нуклеарна централа е „неповредувањето на нејзиниот физички интегритет“.

„За жал, тоа се случи и продолжува да се случува. Физичките напади, како резултат на кои, намерно или ненамерно, оваа станица беше подложена на удари, кои јас и моите експерти лично можевме да ги видиме и оцениме, се едноставно неприфатливи“, рече Гроси.

Гроси додаде дека МААЕ препорачува сета воена опрема да се повлече од територијата на нуклеарната централа Запорожје.

„Забележуваме дека работниците на станицата работат во исклучително тешки услови во близина на воена опрема. Во оваа насока, нашата препорака е воената опрема што се наоѓа таму да се повлече за да не се попречува нормалното функционирање на системот за нуклеарна безбедност. “, рече тој.

Гроси додаде дека МААЕ препорачува надворешниот систем за напојување на нуклеарната централа да се обнови и потоа да се обезбеди нејзино безбедно функционирање.

„Нуклеарната централа без надворешно напојување може да ја изгуби критичната функционалност, вклучително и реакторите за ладење и потрошеното гориво. Без него, можеме да се соочиме со многу сериозна несреќа. Затоа, МААЕ препорачува надворешниот систем за напојување да биде обновен и достапен во секое време. “, заклучи Гроси.

Меѓународната агенција за атомска енергија (МААЕ) во вторникот објави извештај за Украина, во кој се наведува дека има итна потреба да се воведат привремени мерки за да се спречи нуклеарна несреќа што е резултат на физичко оштетување на нуклеарната централа Запорожје.

МААЕ соопшти дека е подготвена веднаш да започне консултации кои би довеле до итно формирање зона за нуклеарна безбедност во Запорожје.

Share on Facebook

Tweet

Follow us

Save