Бектеши: За економијата лесно ќе се договориме со Бугарија

Во делот на економијата најверојатно ќе можеме многу лесно да се усогласиме на меѓувладината седница што во вторник ќе се одржи во Софија, посочи денеска министерот за економија Крешник Бектеши.

-Во делот на економијата, трговијата, енергијата ги направивме сите подготовки. Ќе одиме во понеделник, вторник во Република Бугарија со конкретни предлози и конкретни договори и меморандуми што би ги потпишале. Ќе ја слушнеме и нивната страна кои се нивните предлози и најверојатно во делот на економијата можеме многу лесно да се усогласиме, рече Бектеши во одговор на прашање при денешната посета на општина Сарај.

На 25 јануари владите на Македонија и Бугарија треба одржат меѓувладина седница во Софија со која ќе претседаваат новите премиери на двете држави, Димитар Ковачевски и Кирил Петков.

Share on Facebook

Tweet

Follow us

Save