Каде е Директорот на финансова полиција?

Директорот на финaнсова полиција Арафат Муареми најверојатно го искористил своето право на годишен одмор и заминал надвор од земјата, по најавата на обвинителството за гонење на организиран криминал, дека ќе има голема акција.

Арафат Муареми требаше да биде разрешен на седница на влада, откако на барање на премиерот Ковачевски не си поднесе оставка. Од Владата се уште нема официјална информација, дали Муареми е разрешен.

Арафат Муареми е инаку обвинет заедно со обвинителот Артан Ајро и Гаврил Бубевски дека во случајот „Труст“ во кој првоосомничен беше Сеад Кочан ја оштетитиле државата овозможувајќи му на Сеад Кочан да го сокрие имотото кој требаше да му биде конфискуван, со непревземање на навремени јавно обвинителски дејствија.

Арафат Муареми за „Инфомакс“ вели дека информацијата дека е надвор од државата не е точна и дека тој се наоѓа во земјава.

Share on Facebook

Tweet

Follow us

Save