Куба осуди 381 лице за учество во антивладините протести минатото лето, а некои добија и до 25 години затвор

Куба осуди 381 лице за учество во антивладините протести минатото лето, а некои добија и до 25 години затвор.

Канцеларијата на јавниот обвинител соопшти дека 297 граѓани се осудени на затворска казна за немирите, напад или грабеж. Малкумина наместо затвор се осудени на општествено корисна работа, пишува Би-Би-Си.

Илјадници Кубанци учествувале во демонстрациите низ целата комунистичка земја минатото лето, извикувајќи дека сакаат слобода. Ова се најголемите протести во последните децении, поттикнати од тешката економска криза и бесот поради зголемените цени и недостигот на храна и лекови.

Неовластените јавни собири во Куба се нелегални, а повеќе од 1.000 луѓе биле уапсени.

Меѓу осудените имало и 16 лица на возраст од 16 до 18 години. Ова не се првите казни изречени за протестирање. Во март, повеќе од 100 луѓе кои учествуваа во нив биле осудени на меѓу шест и 30 години затвор.

САД и ЕУ ги критикуваа судењата за недоволна транспарентност и повикаа на ослободување на демонстрантите.

Share on Facebook

Tweet

Follow us

Save