За влакно избегната трагедија: Бебе падна од втор кат од градинка во Белград

Бебе родено во 2021 година, во придружба на неговата мајка, било примено на Детската универзитетска клиника на улица Тиршова во Белград.

Првите резултати од истрагата укажуваат дека машкото бебе било повредено откако паднало од прозорецот од вториот кат од спална соба во градинката „ТРЧУЉАК“ на улицата Миљаковачка стазе во Белград, пренесуваат српските медиуми.

Веднаш била испратена полициска патрола.

Засега е утврдено дека бебето паднало од висина од околу 7-8 метри.

Неофицијално, наставничката вели дека детето го искористило нејзиното невнимание, се качило на масата што била до отворениот прозорец и паднало низ прозорецот.

– Моето дете е добро, фала богу. Сите анализи се направени, скенерот, се е во ред. Немам сила да зборувам за несреќата, сфатете ме – рекол таткото на детето кој дошол во градинката да си го земе ранецот.

Засега од оваа предучилишна установа не сакаат да дадат информации, ниту да го коментираат случајот.

Share on Facebook

Tweet

Follow us

Save