Владата следната недела ќе објави конкретни мерки за помош на граѓаните и стопанството
Премиерот Димитар Ковачевски на Фејсбук информираше дека Владата следната недела ќе ги објави конкретните мерки за помош на граѓаните и стопанството за справување со кризата.
– Справувањето со последиците од светската енергетска криза е најголем приоритет на државата. Денеска се одржа Економскиот совет во проширен состав на кој заедно со економскиот тим на Владата, стопанските комори, синдикатите, експертите и академската јавност имавме конструктивен разговор за надминување на предизвиците од кризата, опциите за справување со енергетската и економскатa криза и модалитетите за поддршка на граѓаните и стопанството.
Беа отворени сите теми од интерес за граѓаните и стопанството, а врзани со справување со економско-енергетската криза во која се наоѓа Македонија, но и Европа во целост. Воедно транспарентно беа споделени и сите податоци со кои располагаат институциите и стопанството сè со цел што посеопфатно справување со последиците од економската и енергетската криза.
Сите сме свесни за тоа како енергетската криза ќе се одрази врз целокупната економија на државата, врз стопанството и граѓаните. Наредната недела Владата ќе излезе со конкретни таргетирани мерки насочени кон најранливи категории граѓани и компаниите. Воедно ќе продолжи економскиот и социјален дијалог со синдикатите со цел сите заедно полесно да ја пребродиме кризата.
Во овие кризни времиња потребно е одговорно однесување кон енергенсите, но солидарност и поддршка за ранливите категории граѓани и компаниите, напиша Ковачевски на Фејсбук.
ПОВРЗАНИ ВЕСТИ
Избрана новата Влада на Србија
Пратениците на Собранието на Србија попладнево ја…
Ковачевски: Неколку функционери од ДУИ фрлија сенка…
Несоодветното однесување на неколку функционери од ДУИ…
Села: Прво уставни измени па формирање влада
Лидерот на Алијанса за Албанците Зијадин Села…
Бектеши: Не влегуваме во влада која нема…
Европскиот фронт има договор со албанската опозиција…
Македонките се мажат најмлади во регионот, на…
Жените во Македонија најмлади стапуваат во брак…