Многу сработиле: Не е исцрпен отчетот на министрите на ДУИ – Ќе продолжат на 19 ноември

Состанокот на Раководството на Интегративците синоќа траеше околу 10 часа и беше оставено расправата да продолжи на 19 ноември.

Тоа значи дека министрите од ДУИ се уште не го довршиле својот отчет пред партијата за сработеното, prenesuva ТВ 21.

Шефот на партијата Али Ахмети по средбата рече дека извештајот ќе го уредуваат тројца високи функционери, а за разрешување на кој било министер рече дека тоа не е точка на дневен ред.

„Извештајот ќе се уредува. За уредување на извештајот се назначени тројца високи функционери на ДУИ, генералниот секретар, потпретседателот Меџити и првиот вицепремиер Артан Груби.  Сигурно дека министрите си ја завршиле работата, не значи дека нема простор за давање мислења и предлози и нормално дека сите работи ќе продолжат во рамките на реалноста“, вели Али Ахмети.

Share on Facebook

Tweet

Follow us

Save