Ковачевски нема да побара одговорност од Шаќири за “утнатите” учебници: Министерот не ги пишувал, авторите да внимаваат…

Претседателот на Владата, Димитар Ковачевски не планира да побара одговорност од министерот за образование, Јетон Шаќири поради грешките и пропустите во учебникот по Историја и општество за 5-то одделение.

-Министер за образование не ги пишува учебниците, тоа го прават автори, a рецензија прават рецензенти. Затоа сметам дека при пишување на учебниците, авторите и рецезентите треба да обрнат поголемо внимание. Таму каде што се појавиле грешки, треба да бидат вратени и заменети со текстови напишани на научен начин, рецензирани согласно научната пракса и како такви повторно дистрибуирани, рече Ковачевски како одговор на новинарско прашање при посетата на општина Пробиштип.

Share on Facebook

Tweet

Follow us

Save