Се намалува истекот на Мавровското Езеро за заштита од поплави во Полог

Денеска, Центарот за управување со кризи за да се заштити населението покрај Вардар во Гостиварско и Тетовско во Полог од поплава побара да се пристапи кон намалување на истекот на вода од Мавровското Езеро во реката Вардар, за време на поплавниот попладневен речен бран – наплив во горниот дел на реката Вардар, по пријавите од поројните дождови во Полог.

Тоа се реализираше преку Регионалните центри за управување со кризи Тетово и Гостивар и раководните претставници на диспечерскиот центар на ЕЛЕМ и ЕСМ подружница ХЕЦ Маврово. Потоа, во ноќните часови кога значително има и намалување на дотокот на притоките на Вардар, заради намалување на температурите, а со тоа и топењето на снегот, повторно ќе бидат вклучени исклучените делови на ХЕЦ Маврово.

Инаку согласно известувањето од Регионалниот ЦУК Гостивар од ЕСМ подружница ХЕЦ Маврово е добиена информација дека моментно работат 2 машини и водостојот е намален. После 22.00 часот е планирана уште една машина да се пушти, па 3 машини ќе работат наместо планираните 4 машини, односно целиот капацитет. Според информациите од ЕСМ подружница ХЕЦ Маврово, една машина исфрла вода 8 кубика во секунда, па после 22.00 часот од Мавровското езеро ќе истекуват вкупно до 24 кубика вода.

Share on Facebook

Tweet

Follow us

Save