INFOMAX.MK

Христијан Мицкоски за време на состанокот меѓу српскиот претседател Вучиќ и албанскиот премиер Курти, заедно со европските и американски претставници во Охрид во саботата, промовираше локални проекти во Охрид, што не е случајно, објаснува во денешната епизода на “Тешки муабети” уредникот на Инфомакс, Александар Митовски.

– Мицика има една технологија на владеење која се сведува дека во партијата има идиоти, дека тие луѓе во партијата се маолумници и дека немаат памет.

Тој го третира своето членство како куп забавачиња, на забавачиња кога им кажуваш прикаски тие заспиваат и имаат убави соништа, живеат во сонот, во тој свет од прикаската.

Таква е ситуацијата со Христијан и неговата технологија на владеење, тоа е поентата што тој беше во Охрид кога беа таму Борел, Курти, Вучиќ и слично. Посетата не е да промовира проекти, таму се крие друга идеја на Хриситијан, се појавува на место каде се случува нешто битно, за да се шири приказна дека имало некаква тајна средба.

Сега ќе им кажува на забавачињата дека се сретнал со Ескобар, Борел, со Вучиќ со кој е многу близок, само тој го има видено како од мајка роден (во политичка смисла на зборот секако), таа комуникација не била директна, била преку медиум.

Имаше пред неколку години една таква наводна тајна средба која се одржала во резиденцијата на американскиот амбасадор, но по проверка видовме дека не било така, во последните шест месеци не бил таму, а оттогаш досега има три и пол години и во тој период Христијан нема остварено средба со американски амбасадор, вели Митовски.