Јунак: Професор по географија ги евакуирал ранетите ученици по нападот во Белград

Според сведочењето на професорите од основното училиште „Владислав Рибникар“, еден од јунаците што практично ги извадил ранетите деца бил наставникот по географија, Зоран Нишевиќ.

Како што велат колегите на Нишевиќ за српска „Република“, тој брзо реагирал по масакрот за да ги спаси животите на повредените деца.

„Ги изнесуваше повредените деца и го евакуираше цело училиште“ рекоа професорите за „Република“.

Коста, напаѓачот и убиец, бил пронајден и уапсен во дворот на тоа белградско училиште.

Осум деца и еден чувар се убиени во средата наутро во вооружен напад на четиринаесетгодишен ученик во основното училиште „Владислав Рибникар“ во центарот на Белград.

Шест ученици и еден наставник се повредени, а напаѓачот е уапсен.

Тројца од четворицата ранети во Ургентниот центар во Белград се сосема добро, будни се и докторите разговараат со нив.

Станува збор за двајца ученици и наставничка, изјави директорот на универзитетскиот Клинички центар – Србија, професор д-р. Милика Ашанин.

Share on Facebook

Tweet

Follow us

Save