Агелер: Уставните измени да се донесат до крајот на годината

Американската амбасадорка во земјава Анџела Агелер потсети на ставот на сенаторот Крис Марфи, кој пред два дена од Скопје порача уставните измени да се усвојат, а во спротивно неизгласувањето би претставувало загрижувачки чекор во односите меѓу Македонија и САД. Агелер истакна дека не би ја коментирала изјавата на Марфи, но сепак додаде:

„Неговата поента беше многу важна – дека ако тешките одлуки кои ќе овозможат придвижување кон евроатлантската интеграција не бидат донесени до крајот на оваа година, тогаш сигурно ќе постојат лица во САД, во Белата куќа, но и нашите законодавци, кои ќе се прашуваат дали земјата има цврста заложба за евроатлантска интеграција“, рече Агелер.

Share on Facebook

Tweet

Follow us

Save