Семејството на починатиот Кико донираше средства за набавка на респиратор за малиот Стефан

Семејството на Кико, кој неодамна почина а за кој беа собрани донации и се одржа хуманитарен концерт, донираа парични средства за лекување на малиот Стефан, во висина од половина милион денари, објави јутјуберот, Стефан Лазаров.

„Како што најавив пред 2 дена, ова утро од семејство Коцеви е извршена донација во вредност од 500,000 денари.

Ова е од Кико за Стефан.

Голем респект од мене за Горан, Катерина и Никица, семејство со вистински вредности, чесно и хумано. Заслужувате многу… а на малиот Стефан му посакувам брзо да се опорави.“ напиша на Фејсбук тој.

Кико, кој за жал не го дочека лекувањето во Турција, имаше ретка и тешка болест Атаксија-телеангиектазија, која брзо прогресира и за кратко време доведува до сериозна состојба.

Момчето требаше итно да замине на третман во Турција, но поради влошување на неговата здравствена состојба тоа не се случи, а тој последно се лекуваше во приватна болница во Скопје.

Share on Facebook

Tweet

Follow us

Save