Србија секое олимписко злато во Париз ќе го награди со по – 200.000 евра

Србија има многу адути за златни медали на Летните Олимписки игри во Париз идното лето, па богато ќе наградаува за секое освоено најсјајно одличје и тоа со по 200.000 евра за секој носител на највредниот медал во спортот.

Првиот човек на северниот сосед, Александар Вучиќ синоќа на приемот на сребрените кошаркари ја најавил богатата награда која Србија планира да им ја даде на сите спортисти кои од француската престолнина ќе се вратат со злато одличје.

„Секој спортист поединечно ќе добие 200.000 евра за освоен златен медал во Париз“, рече Вучиќ.

Србија има адути за злато од Новак Ѓоковиќ во тенис, Ивана Вулета во атлетика, која стана светска шампионска во скок во далечина неодамна во Будимпешта, одбојкарките кои се европски вицепрваци, а беа поранешни светски и европски шампионки, потоа ватерполистите кои се постојано во конкуренција за медал, во индивидуалните спортови како таеквондо… Кошаркарите на Србија со среброто од Мундобаскетот исто така обезбедија учество на ЛОИ 2024.

Извор: sport1.mk

Share on Facebook

Tweet

Follow us

Save