Спасовски: Мицкоски не знае како е да се има став

Министерот за внатрешни работи Оливер Спасовски вечерва заедно со потесното раководство на МВР, во скопската општина Аеродром ги посети полициските службеници кои спроведуваат засилени активности во функција на поголема безбедност за граѓаните од оваа општина.

Тој притоа накусо ги прокоментира барањата на Христијан Мицкоски да се повлече од министерската функција.

„Многупати сакав да чујам ставови од Мицкоски како лидер на опозиција за многу прашања, но ставови негови не може да чуеме и воопшто не ми е чудно кога тој не може да разбере како некој политичар има став“ – истакна Спасовски.

Минатиот викенд Спасовски кажа и дека покрај тоа што смета оти моментот на носењето на законот е несоодветен, првиот човек на МВР вели дека наместо амнестија државата треба да размислува за зголемување на капацитетите на затворите.

Мицкоски, пак, денеска рече „министерот за внатрешни работи Оливер Спасовски или нека молчи или нека поднесе оставка и нека ја напушти Владата веднаш ако не се согласува со предложениот закон за амнестија“.

Share on Facebook

Tweet

Follow us

Save