МВР: Двајцата пожарникари се обиделе да го спасат кучето во Тетово

Секторот за внатрешни работи Тетово излезе со соопштение за случајот што ја ужасна јавноста по снимката како куче навидум е фрлено од седми кат од зграда во Тетово.

Од СВР Тетово велат дека двајцата пожарникари се обиделе да го спасат кучето кое залутало во зградата во изградба, но безуспешно бидејќи кучето веќе умрело.

„Педесет и осумгодишниот Ѓ.З. од Тетово, вчера (22.03.) во 18:40 часот во СВР Тетово пријавило дека околу 17:00 часот, куче паднало од балкон на шести кат од зграда во изградба на улица „Благоја Тоска“ во Тетово, пред ул. зграда каде што живеел и дека набргу потоа кучето умрело. 

Според пријавата, двајца пожарникари од Тетово се обиделе да го фатат кучето во овој објект. Се работи на расчистување и документирање на случајот“, се наведува во соопштението.

Share on Facebook

Tweet

Follow us

Save