Најнови информации за пукањето во Арачиново: Возачот на градоначалникот во моментов се оперира, куршумите му го пробиле градниот кош!

Со огнено оружје денеска е пукано кон автомобилот на градоначалникот на општина Арачиново, Ридван Ибраими, при што во возилото се наоѓале неговиот возач и вработен во општината.

Техничкиот министер за внатрешни работи Панче Тошковски за МИА потврди дека во престрелката е погоден возачот на градоначалникот, а пукано е и кон уште едно лице вработено во општината. Припадници на полицијата се на терен и вршат увид.

Повредениот е донесен во Ургентниот центар во Скопје.

Директорот на Клиниката за Торакална хирургија во скопскиот Клинички Центар, Неџати Јакупи за телевизија Телма изјави дека во Клиниката е донесено момче на околу 30-годишна возраст со прострелни рани на градниот кош.

-Раните се за итна операција, поради што веќе влегуваме во сала, изјави Јакупи.

Share on Facebook

Tweet

Follow us

Save