Дачиќ објави детали: Возачот кој се обиде да прегази студентка во Белград се седум пати осудуван

Министерот за внатрешни работи на Србија, Ивица Дачиќ соопшти дека осомничениот за газење студентка во улицата Рузвелтова е пронајден во рок од 15 минути од извршувањето на делото и дека се работи за лице кое претходно седум пати било осудувано за разни кривични дела.

Дачиќ рече дека во рок од 10 минути полицијата го пронашла возилото кое удрило и соборило девојчето на улицата Рузвелтова. Возачот се оддалечил од местото на настанот во правец на Богословијата. Пет минути потоа, а 15 минути по настанот, полицијата го пронашла возачот на „фордот“ и уште две лица кои биле во возилото со него, од кои едното малолетно, се вели во соопштението на Дачиќ.

Се додава дека осомничениот и претходно бил евидентиран како сторител на разни кривични дела и дека седум пати бил осудуван.

Министерството за внатрешни работи ги повика сите да го почитуваат Законот за јавен собир и Законот за безбедност во сообраќајот.

Студентката која беше удрена со автомобил заврши во Ургентниот центар со тешки повреди. Според Клиничкиот центар таа е свесна и во стабилна општа здравствена состојба.

Share on Facebook

Tweet

Follow us

Save