Изгореле коли и мотори во двор во Стајковци, огнот се проширил и на куќата и кај соседите

Вчера рано утрото во скопското село Стајковци изгореле два автомобила и три мотори во импровизирана гаража во двор од куќа, а пожарот потоа се проширил и на куќата и на автомобилот на соседот, соопшти МВР.

„На 10.03.2025 во 07:40 часот во СВР Скопје, Д.С.(71) од с.Стајковци, општина Гази Баба, пријавил дека околу 06.30 часот во импровизирнаа гаража во дворот од неговата семејна куќа биле опожарени паркирани патнички возила „шевролет спарк“ и „тојота“ и мотоцикли „хонда“, „сузуки“ и „баотиан“, сите со скопски регистарски ознаки, во негова и сопственост на неговиот син З.С.(50) од с.Стајковци. Од пожарот била зафатена и фасадата на неговата куќа, како и патничко возило „фолксваген голф“ со скопски регистарски ознаки, сопственост на соседот С.Н.(20) од с.Стајковци. Повредени лица нема, а од екипа на Бригадата за противпожарна заштита Скопје пожарот бил изгаснат. Извршен бил увид од увидна екипа од СВР Скопје“, пишува во полицискиот билтен.

Share on Facebook

Tweet

Follow us

Save