МВР потврди: Арсовска била нападната во Чаир!

Градоначалничката на Град Скопје Данела Арсовска денеска околу пладне била нападната во општина Чаир, потврдуваат од Министерството за внатрешни работи за „Слободен печат“.

Според официјалните информации нападот во СВР Скопје го пријавило лице со иницијали А.Ј. ОД МВР велат дека Арсовска не сакала да го пријави настанот и се упатила во „8 Септември“.

-На 11.07.2025 во 12:15ч од страна на А.Ј. во СВР Скопје пријавено е дека при извршување работни задачи на ул.”Кумбара” физички била нападната градоначалничката на град Скопје Данела Арсовска и дека повеќе лица и упатувале вербални закани. Истата не сакала да поднесе пријава за настанот по што се упатила во ГОБ 8 Септември за укажување лекарска помош – се вели во информацијата од МВР.

Нападот следува откако Арсовска јавно зборуваше дека има закани по живот и поднесуваше пријави против градоначалникот на Чаир, Висар Ганиу.

Share on Facebook

Tweet

Follow us

Save