Дождот ја уништи надежта за жетва на оризот во кочанско, во нивите не се влегува

Врнежите од дожд нов удар врз земјоделците од кочанскиот регион. Во нивите не се влегува заради кал, не можат да работат ниту машините, па дел од оризот останува неожнеан. Ова е нов удар велат тие, ситуацијата е катастрофална, со што производството на ориз ќе биде ставено под знак прашалник.

„Нов данок, катастрофа, 50% од родот останува во нивите, 50% ќе се обидеме да го извадиме со комбајните.“ – вели Панов.

Проблем за ваквата ситуација е дождот, велат земјоделците, но од друга страна придонесе и доцната сеидба. Досега оризот требаше да биде ожнеан и соберен во амбарите, но ситуацијата на терен далеку поразлична. Амбарите се полни со ориз од претходната реколта, за што се уште се чека откуп по задоволителна откупна цена. Освен оризот во незвидна состојба се и житариците кои останаа под вода.

„Имаме накаде околу 30% од површините кои не се ожнеани, тие веќе не можат ниту да се жнеат. Комбајните не можат да влезат во нивите и тоа е резултат на касната сеидба. Моментално ќе се прави пресметка на штетите на оризот, и на житариците.

Штетите дополнително ќе се утврдуваат, но истите се огромни, согласни се земјоделците.

Share on Facebook

Tweet

Follow us

Save